Mosha veç numër, aktori nis lidhje dashurie në moshën 70-vjeçare

Kevin Costner  është rikthyer në botën e takimeve pas ndarjes së shumëpërfolur nga  Christine Baumgartner.

Burime për revistën People raportojnë se ai është duke u takuar  me regjisoren dhe producenten Kelly Noonan Gores.

“Kelly po del me Kevin, por gjithçka është shumë casual. Ajo mendon se ai është i mrekullueshëm dhe interesant,” – ka thënë një burim i afërt.

Dyshja janë njohur përmes miqve të përbashkët dhe janë parë së fundmi bashkë në disa dalje private.

Gores është ndarë nga ish-bashkëshorti i saj, biznesmeni Alec Gores, në vitin 2024, pas 8 vitesh martesë. Ata kanë së bashku një vajzë 6-vjeçare, Riley.

Në podcastin e saj personal “Heal with Kelly”, ajo ka rrëfyer hapur vështirësitë që kaloi gjatë ndarjes:

“Ishte e dhimbshme. Edhe pse e nisa unë bisedën për ndarjen, asnjëri prej nesh nuk e donte me të vërtetë këtë.”

Ndërsa Kevin përfundoi divorcin me ish-bashkëshorten  Baumgartner në shkurt 2024, pas një beteje të gjatë ligjore. Çifti  ishte i martuar që nga viti 2004 dhe kanë tre fëmijë së bashku. Një burim tjetër pranë aktorit tha më herët për People se, pavarësisht lajmeve për një lidhje të re, Kevin nuk është në kërkim të një marrëdhënieje serioze për momentin:

“Ai është në një periudhë të mirë të jetës së tij. Po kalon kohë me familjen dhe miqtë, dhe po shijon qetësinë.”