Moska: Asnjë goditje ndaj objektivave pranë kufirit shtetëror ukrainas-polake nuk u krye nga ne!

Ministria ruse e Mbrojtjes ka deklaruar se mohon që raketat e saj kaluan në Poloni, duke i quajtur raportet një “provokim të qëllimshëm”.

“Deklaratat e mediave dhe zyrtarëve polakë për rënien e supozuar të raketave “ruse” në zonën e Przewoduvit janë një provokim i qëllimshëm për të përshkallëzuar situatën.

Asnjë goditje ndaj objektivave pranë kufirit shtetëror ukrainas-polak nuk u krye nga raketat ruse. Mbeturinat e publikuara nga mediat polake nga vendi i ngjarjes në fshatin Przewoduv nuk kanë asnjë lidhje me armët ruse”, thuhet në reagim.