Munishi pasi humbi kreun: Ballkani mund t’i mposht të gjithë kundërshtarët
![](https://indeksonline.net/wp-content/uploads/2020/05/munishi.jpg)
Munishi nuk ka asnjë dyshim, Ballkani do të kthehet te rezultatet pozitive.
Barazim në Kupën e Kosovës, barazim në Superligë, rikthimi nuk ka qenë i mirë për Ballkanin pas pandemisë.
Në emisionin ‘Koha Shtesë’ të Super Sport, trajneri i Ballkanit, Ismet Munishi foli për formën e skuadrës dhe lëshoi edhe kritika për kundërshtarët.
“Skuadrat kur luajnë kundër Ballkanit, mbrohen me 10 futbollistë, pastaj fillojnë me zhagit lojën. Zhagitja e lojës nuk është korrekte dhe nuk i ndihmon aspak futbollit tonë”, u shpreh Munishi.
“Duhet të jemi më të qetë para portës, kemi pasur raste kundër Feronikelit dhe Drenicës, por duhet të jemi më të qetë”.
”Jam i kënaqur me paraqitjen, ndoshta në disa momente po na mungon pasimi i fundit për me pas më shumë raste, pak ka humb edhe rrjedhshmëria e topit, por do të punojmë për këtë jemi këtu”, shtoi ai.
“Ne kemi fuqi, talent forcë për me i mund të gjitha skuadrat”.
Ballkani ka humbur kreun me barazimin pa gola me Drenicën, Drita tani është liderë me një pikë më shumë se ekipi i Munishit.