16:19 / E Mërkurë, 12 Maj 2021 / kutia
Murati: U ekzekutua pagesa për grupin e parë të punëtorëve që përfitojnë nga subvencionimi i pagave
Ministri i Ekonomisë dhe Transfereve, Hekuran Murati ka bërë të ditur se sot gjatë ditës është ekzekutuar pagesa për grupin e parë të punëtorëve që përfitojnë nga subvencionimi i pagave
“Sot, një ditë pas mbylljes së afatit për aplikim për masën mbështetëse të ekonomisë, është ekzekutuar pagesa për grupin e parë të punëtorëve që përfitojnë nga subvencionimi i pagave”, ka shkruar Murati në Facebook.
Ai ka thënë se komisioni është duke shqyrtuar aplikacionet në vazhdimësi, ashtu që edhe grupi tjetër të procesohet të premten.
