Muriqi përfundimisht zgjedh Fenerbahçen

Vedat Muriqi do të largohet në verë nga Rizespori. Sulmuesi kosovar ka pranuar oferta nga skuadra të ndryshme në Turqi dhe Evropë dhe duket se edicionin e ardhshëm ai do të veshë fanellën e Fenerbahçes.

Sipas mediumit turk FotoMac puna është e kryer. “Muriqi është i Fenderbahçes. Marrëveshja është arritur”.  

Sulmuesi prizrenas po kalon nëpër një sezon fantastik, në të cilin deri tash ka realizuar 14 gola dhe ka dhuruar 7 asistime në 32 ndeshje të zhvilluara në Superligën turke.

Ditë më parë skuadra e tij Rizespor doli me njoftim zyrtar duke mohuar zërat që Muriqi do të largohet. /Indeksonline/