Mustafa viziton fermerët e Rahovecit

Ministri në detyrë i MBPZhR-së, Besian Mustafa, i shoqëruar nga kryetari i komunës së Rahovecit, Smajl Latifi u ka bërë vizitë sot vreshtarëve, blegtorëve dhe kultivuesve të perimeve e fidanëve në këtë komunë, ku ka parë nga afër punën e tyre dhe është informuar me sfidat që po përballen këta prodhues gjatë kësaj kohe.

“Mbështetjen për prodhuesit bujqësor në këtë komunë do ta vazhdoj dhe në të njëjtën kohë do të jem pranë jush për të parë nga afër ecurinë e veprimtarive tuaja. Po ashtu, do të angazhohem në vazhdimësi që sfidat dhe problemet me të cilat ju përballeni në këtë sektor, t’i tejkaloni pa ngecje”, ka thënë Mustafa.

Ndërsa kryetari i Rahovecit e falënderoi Mustafën për gatishmërinë dhe përkrahjen e sektorit të bujqësisë në këtë komunë, pavarësisht gjendjes së krijuar.