Mustafa vlerëson vizitën e Veliut në veri: Sinjal pozitiv i bashkëpunimit me komunat tona atje

Lideri i LDK-së, Isa Mustafa deklaroi se vizita e djeshme e ministrit të Punëve të Brendshme dhe Administratës Publike, Agim Veliu në Zubin Potok dhe pikën kufitare në Bërnjak është veprim shumë i mirë dhe sinjal pozitiv i bashkëpunimit me komunat në veri të vendit.

Mustafa tha se vizitat kanë vënë në pah, jo vetëm pritjen normale dhe zyrtare nga nikoqirët, por edhe shumë probleme ndër ato më elementare, të atyre komunave, transmeton Indeksonline.

Postimi i plotë:

Vizita e djeshme e Ministrit të Punë e të Brendshme dhe Administratës Publike, z. Agim Veliu në Zubin Potok dhe në pikën kufitare, Bërnjak është veprim shumë i mirë dhe sinjal pozitiv i bashkëpunimit me komunat tona në veri të vendit.

Vizitat qiti në pah, jo vetëm pritjen normale dhe zyrtare nga nikoqirët, por edhe shumë probleme, ndër ato më elementare, të atyre komunave, për çfare të gjitha institucionet duhet të bëjnë përpjekje për zgjidhjen e tyre. IM