Nagelsmann: E merituam vendin e parë
Trajneri i Kombëtares Gjermanisë, Julian Nagelsmann është shprehur i kënaqur me skuadrën e tij.
“Die Mannschaft”, përmbyllën grupin e tyre me një barazim 1-1 kundër Zvicrës dhe siguruan kreun e tabelës.
“Zvicra ishte shumë e vështirë për t’u përballur, ne u mbajtëm mirë. Në fund e merituam barazimin dhe fituam grupin edhe nëse duhej të rrezikonim shumë para se të gjenim rrjetën. Goli i Fullkrug ishte shumë i bukur”, u shpreh Nagelsmann.
Kujtojmë edhe njëherë që Gjermania nikoqire, arriti të kualifikohet në fazën e 1/8-tave dhe e përmbylli në vendin e parë, me Zvicrën në vendin e dytë, Hungaria në vend të tretë dhe Skocia në fund të tabelës./IndeksOnline/