Naser Osmani përplaset verbalisht me prokurorin për rastin e 3%: Boll interesant me u bo…
Një përplasje verbale ka ndodhur me ish-deputetin e LDK-së, Naser Osmani dhe prokurorit, Atdhe Dema, i cili ka ngritur aktakuzën në rastin “3 për qind”-shit.
Osmani, pasi gjyqtarja e rastit është larguar nga gjykatorja, i është afruar prokurorit Dema.
Ai i ka thënë se është bërë: “Boll interesant me u bo lajm qeto ditë”, i është drejtuar Osmani-Demës.
“Urdhno?”, ka qenë përgjigja e tij. Ndërsa, Osmani ka aluduar se prokurorin dikush e ka shtyrë.
“Kush të ka thanë”, i është drejtuar Osmani.
“Mu me kanë thanë a? Shiko. Ti je i akuzuar e unë jam prokuror. Nuk na lejohet neve me fol”, ka qenë reagimi i prokurorit Dema.
Kurse, derisa Dema fliste, Osmani disa herë me ton më të lartë i drejtohet me pyetjet: Çka, Çka, Çka?
“Atë gjuhë mos e përdor”, i është drejtuar Dema Osmanit.
Këtë situatë janë munduar ta qetësonin avokatët mbrojtës të të akuzuarve të përfshirë në këtë aktakuzë.
Vlen të theksohet se në këtë aktakuzë është i përfshirë edhe ish-kryeministri në ekzil, Bujar Bukoshi. Megjithatë lënda ndaj Bukoshit është veçuar për shkak të gjendjes së tij shëndetësore.
