Ndahet nga jeta personi që ra nga kulmi në Karacë të Vushtrrisë

Një ngjarje tragjike ka përfunduar me humbje jete në Vushtrri, pasi një burrë që kishte rënë nga kulmi gjatë punës, nuk arriti t’u mbijetojë plagëve.

Selman Kajtazi, rreth 58-vjeçar ishte rrëzuar më 19 korrik 2025 nga kulmi i shtëpisë së familjarëve të tij në fshatin Karacë, ndërsa ishte duke punuar.

Ai ishte dërguar fillimisht në Qendrën Emergjente në Vushtrri, e më pas ishte transferuar për trajtim në QKUK – Prishtinë, ku qëndroi për më shumë se 10 ditë nën kujdes mjekësor.

Përkundër përpjekjeve të stafit mjekësor, ai ndërroi jetë më 1 gusht 2025, rreth orës 02:15.

Prokurori kujdestar është njoftuar për rastin dhe ka urdhëruar që ngjarja të trajtohet si “Vdekje e dyshimtë”, ndërsa trupi i pajetë është dërguar për obduksion nga Instituti i Mjekësisë Ligjore për të sqaruar shkakun dhe rrethanat e vdekjes.

Sinjali do të sjellë detaje të tjera sapo të dalin rezultatet zyrtare nga ekspertiza mjeko-ligjore./Sinjali/