Ndarja nga Fedez, Chiara rigjen dashurinë e re

Chiara Ferragni dhe Giovanni Tronchetti Provera kanë zyrtarizuar lidhjen e tyre me një postim në Instagram.

Fotoja e parë e çiftit është publikuar pikërisht në Ibiza, aty ku një vit më parë kishte nisur romanca e tyre.

Që nga fillimi, ata janë ndjekur nga paparacët në pushime në Saint Moritz e Romë, duke u shfaqur të buzëqeshur, por ekspozimi i tepërt nuk është pritur mirë nga familja e Proveras, gjë që solli aludime për kriza dhe një ndarje të mundshme.

Madje, Giovanni u fotografua me ish-bashkëshorten, ndërsa Chiara dukej më e fokusuar në karrierë.

Megjithatë, në qershor ata u panë sërish bashkë në një fundjavë romantike në liqenin e Comos, dhe fotot e publikuara fshehurazi konfirmuan ribashkimin.