Ndërrojnë jetë binjaket e famshme gjermane, ja kujt ia dhuruan pasurinë me testament

Binjaket Alice dhe Ellen Kessler, dyshja artistike gjermane që gëzoi sukses të madh në Itali, duke filluar nga vitet 1960-së, kanë ndërruar jetë në moshën 89-vjeçare në Mynih, ku jetuan për më shumë se tri dekada.

Pas vdekjes së Ellen dhe Alice Kessler, këngëtareve dhe valltareve të njohura ndërkombëtarisht të njohura si Binjaket Kessler, tani është zbuluar se çfarë do të ndodhë me pasurinë e tyre. Motrat mbetën të pamartuara dhe nuk patën fëmijë, transmeton Indeksonline.

Në vjeshtën e vitit 2023, binjakët rishikuan testamentin e tyre: “Unë dhe motra ime diskutuam që jo vetëm një person duhet të ketë diçka, por disa”, shpjegoi Ellen Kessler për “Bild” në pranverën e vitit 2024.

Përpara ndryshimit, e gjithë pasuria do t’i shkonte organizatës së ndihmës “Mjekët pa Kufij”.

Tani, Misioni i të Verbërve CBM, organizata e ndihmës për fëmijët UNICEF, Fondi i Mirëqenies Sociale të Artistëve Paul Klinger dhe Fondacioni Gjerman për Mbrojtjen e Pacientëve do të marrin gjithashtu një pjesë të pasurisë.

Nuk është e qartë se sa e madhe është pasuria e binjakëve. “Ne fituam para shumë të mira, nuk i hodhëm kurrë dhe i investuam me mençuri.” Ata ende kanë “diçka të vogël të kursyer”, tha Ellen Kessler për Bild./Indeksonline/