Ndërron jetë i aksidentuari në Makovc të Prishtinës

Një aksident i rëndë  trafiku ka ndodhur  mëngjesin e sotëm në fshatin Makovc të Prishtinës, ku dy vetura janë përplasur ballë për ballë.

E si pasojë e lëndimeve nga ky aksident, para pak çastesh ka ndërruar  jetë i lënduari, i cili po trajtohej në Qendrën Klinike dhe Universitare të Kosovës (QKUK).

Indeksonline merr vesh se shoferi i njëres nga veturat e përfshira në aksident tashmë ka ndërruar jetë, pasi që gjendja e tij ka qenë e rëndë.

Për gjendjen e tij gjatë ditës ka folur për Indeksonline drejtori i Klinikës Emergjente Naser Syla, i cili ka thënë se i lënduari është pranuar në klinikë në gjendje të rëndë./Indeksonline/