Ndeshja Kosovë-Zvicër, ky është arbitri që do të ndajë drejtësinë

Një nga gjyqtarët më të njohur italian, Davide Massa, do të drejtojë ndeshjen kualifikuese të Botërorit 2026 mes Kosovës dhe Zvicrës.

Davide Massa është një nga gjyqtarët më të besuar të UEFA-s, teksa është arbitri i FIFA-s që nga vitin 2014.

Për ndeshjen Kosovë-Zvicër, ai do të ketë përkrahjen e asistentëve të tij: Asistent i parë: Filippo Meli (ITA), asistent i dytë: Stefano Alassio (ITA), gjyqtar i katërt: Daniele Chiffi (ITA).

Në karrierën e tij si gjyqtar, Massa nuk e ka drejtuar asnjë ndeshje të Kosovës, ndërsa ka vendosur drejtësinë në një ndeshje të Zvicrës.

Kjo ndeshje luhet duke filluar nga ora 20:45 në stadiumin “Fadil Vokrri”.