Ndihmoi të varfrit, mësuesi nga Kenia shpërblehet me çmim 1 milion dollarësh

Një mësues i shkencave nga një fshat i largët në Keni dha shumicën e të ardhurave të tij për studentët e varfër. Mirëpo, këtë fundjave ai u nderua me një  çmim prej 1 milionë dollarësh, si një nga edukatorët më të jashtëzakonshëm nga e gjithë bota, përcjellë Indeksonline.

Peter Tabichi  jep mësim në një fshatë gjysmë të zbrazët të Pwani ku pothuajse një e treta e fëmijëve janë jetimë ose kanë vetëm një prind dhe ku etja dhe uria janë të shpeshta.

Klasat kanë mungesë të pajisjeve adekuate dhe shkolla në të cilën mësojnë fëmijët midis 11 dhe 16 vjec ka vetëm një kompjuter.

Tabichi u zgjodh nga 10,000 aplikantë për Çmimin Global të Mësimdhënësve.

Përkundër pengesave të mëdha që përballen studentët e Tabichit, ai ka inkurajuar shumë prej tyre që të vazhdojnë shkollimin, të kualifikohen për gara ndërkombëtare në shkencë dhe inxhinieri dhe të shkojnë në kolegj.

Presidenti kenian Uhuru Kenyatta , historinë e Tabichit  e quajti histori të Afrikës.

“Ju më besoni se ditët më të mira të Afrikës janë përpara nesh dhe historia juaj do të hapë rrugën për gjeneratat e ardhshme”, tha ai.

Në fjalimin e tij të pranimit, Tabichi tha se nëna e tij vdiq kur ishte vetëm 11 vjeç, duke lënë babanë e tij, një mësues të shkollës fillore, me detyrën e ngritjes së tij dhe vëllezërve të tij të vetëm.

Çmimi është dhënë nga Fondacioni Varkey, themeluesi i të cilit, Sunny Varkey, krijoi kompaninë fitimprurëse të Arsimit GEMS që drejton 55 shkolla në Emiratet e Bashkuara Arabe, Egjipt dhe Katar.

Fituesi zgjidhet nga komisione të përbërë nga mësues, ekspertë arsimorë, gazetarë, zyrtarë, sipërmarrës, drejtues biznesi dhe shkencëtarë nga e gjithë bota.

Vitin e kaluar, një mësues arti britanik u nderua për punën e saj në një nga vendet më të larmishme etnike në vend. /Indeksonline/