Ndodhë e papritura në ndeshjen Peja-Ylli, alivanoset një tifoze në tribunë
Një tifoze në tribunën e Pejës është alivanosur sot gjatë ndeshjes KB Peja – KB Golden Eagle Ylli.
Teksa mbeten gati 2 minuta deri në përfundim të çerekut të dytë, një tifoze në tribunë humbi baraspeshën e trupit dhe u rrëzua, raporton Indeksonline.
Menjëherë në ndihmë i dolën stafi mjekësor i klubit të Pejës dhe atij të Yllit.
Ndeshja u ndërpre për pak minuta, për të vazhduar pas këndelljes së tifozes së alivanosur.
Ndeshja KB Peja – KB Golden Eagle Ylli po zhvillohet në kuadër të gjysmëfinales së play-offit./Indeksonline/