“Ndriçim dhe kamera”, qeveria britanike zotohet për rrugë më të sigurta

“Një seri hapash të menjëhershëm do të ndërmerren për t’i mbrojtur më mirë gratë dhe vajzat në rrugë“, është zotuar kryeministri britanik, Boris Johnson, transmeton Indeksonline.

Qeveria është përballur me një presion për t’i bërë rrugët më të sigurta pas vrasjes së pretenduar të Sarah Everardit.

Në një përpjekje për të përmirësuar sigurinë gjatë natës, takimi i Taskforcës së Qeverisë për krimin dhe drejtësinë tha se do të dyfishonte fondin e rrugëve më të sigurta në 45 milionë £.

Financimi do të sigurojë ndriçim më të mirë dhe pajisje CCTV në rrugë, në mënyrë që gratë të jenë më të sigurta, duke ecur nëpër parqe dhe në rrugë.

Ministrat shtuan se do të punonin me oficerë, policë dhe komisionerë të krimit për t’u siguruar që masat ishin më të përqendruara në parandalimin e dhunës seksuale, raporton Metro.

Boris Johnsoni tha: “Rasti i tmerrshëm i Sarah Everardit, ka lëshuar një valë ndjenjash për gratë që nuk ndihen të sigurta natën. Ne duhet të bëjmë gjithçka që mundemi që rrugët tona të jenë të sigurta. Në fund të fundit, ne duhet të dëbojmë dhunën ndaj grave dhe vajzave dhe të bëjmë që çdo pjesë e sistemit të drejtësisë penale të funksionojë për t’i mbrojtur më mirë ato“./Indeksonline/