12:20 / E Mërkurë, 14 Gusht 2019

Në AAK ka disponim për koalicion me PSD-në

Ahmet Isufi, nga Aleanca për Ardhmërinë e Kosovës tha se nuk është në rregull të thuhet që do të garojmë të vetme në zgjedhje, e të takohen çdo ditë për koalicione të mundshme.

Ahmeti tha se ftesa e dhomave te specializuara për Ramush Haradinajn ka qenë befasi edhe për vetë atë, për çka tha se nuk duhet t’u mbetet hatri partnerëve të koalicionit që nuk i ka lajmëruar më herët.

“Nuk duhet t’u mbetet hatri partnerëve të koalicionit që nuk i ka lajmëru, se menjëherë pas ftesës ai ka marrë vendimin, ka qenë befasi edhe për ne…. janë dhënë dy tri propozime në mbledhje të kryesisë për datën e seancës për shpërndarjen e Parlamentit. Reagimi i përfaqësues së BE-së, ka bërë që të vendoset për 22 gusht, sepse arsyetimi i tyre ka qenë që të vendoset kjo datë”, tha Isufi.

Ai la të nënkuptohet se AAK-ja është e gatshme të lidhë koalicion me PSD-në.  Fushata ka filluar, po shohim lëvizjet që po bëhen, për koalicione janë të çuditshme. Sjellja e PSD-së në raport me interesat e institucioneve dhe qytetarëve na kanë bërë me besu se mund të bëjmë koalicion”, ka thënë Isufi. Këto deklarata Isufi i bëri gjatë debatit ‘Çfarë zgjidhjeje ofrojnë zgjedhjet?’