Në BE parashikohet rënie të ekonomisë prej : 7,8% për shkak të COVID 19
Vala e dytë e virusit COVID 19 që ka përfshirë të gjithë Evropën rrezikon rimëkëmbjen e ekonomisë, konstaton Komisioni Evropian në Bruksel. Prognozat janë pesimiste.
Sipas Komisionarit të BE për Ekonominë, Paolo Gentiloni, vala e dytë e Coronës po e rrezikon ekonominë në Evropë, pasi “hovi i rimëkëmbjes u ndërpre”, u shpreh Gentiloni gjatë prezantimit të prognozës koniunkturore për BE dhe eurozonën. Komisioni Evropian nuk pret më, sipas kësaj prognoze, një kthim në normalitet as vitin e ardhshëm.
Për vitin në vazhdim, parashikohet një rënie ekonomike e 27 vendeve anëtare të BE me rreth 7,4%, kurse për eurozonën një rënie ekonomike me 7,8%. Arsye për këtë janë ngadalësimi i rimëkëmbjes ekonomike dhe rritja e fortë e borxheve të reja. “Por prodhimi si në hapësirën e euros, ashtu edhe në BE nuk pritet të arrijë as në vitin 2022 gjendjen para pandemisë”, thuhet në prognozë. Për vitin 2021 ky autoritet pret një rritje ekonomike me 4,1%, në verë KE kishte pritur një rritje 5,8%. Ndërsa kuota e borxheve në BE mesatarisht këtë vit nga 79,2% e prodhimit të brendshëm bruto do të rritet në 93,9%.
Komisioni Evropian kërkoi nga Banka Qendrore Evropiane të bëjë gjithçka që është e mundur, për të kompensuar pasojat negative të kësaj futjeje masive në borxhe. Për shkak të kostove mjaft të ulëta të normave të interesit, tregjet financiare nuk kanë reaguar deri tani ndaj borxheve të larta të shteteve të BE. Për Gjermaninë pritet një rënie ekonomike me 5,6% këtë vit, kurse vitin e ardhshëm rritje ekonomike me 3,5. Kurse vendi më i goditur nga pandemia ekonomikisht mbetet Spanja, ku pritet një rënie ekonomike me minus 12,4%, pasuar nga Italia me një minus prej 9,9%, Kroacia, minus 9,6% dhe Franca minus 9,4%. Për shkak të zhvillimit dramatik në Spanjë, pritet që ky vend t’ia kalojë Greqisë me shkallën e lartë të papunësisë.
Nga presidentja e Bankës Qendrore Evropiane, Christine Lagarde kërkohet të ndalë pasojat negative të rritjes së borxheve.
Megjithatë Komisioni Evropian i ka vendosur një pikëpyetje të gjitha prognozave për ekonominë. Theksohet se për shkak të gjendjes së pandemisë, prognozat ekonomike aktualisht “lidhen me një shkallë shumë të lartë pasigurie dhe rreziqesh”. Një faktor tjetër pasigurie është Brexit-i dhe negociatat që ende nuk kanë sjellë sukses për një marrëveshje pas daljes së Britanisë së Madhe nga BE. Zëvendëspresidenti i KE, Valdis Dombrovskis tha se, perspektiva e një Brexiti pa marrëveshje “rëndon ndjeshëm në perspektivën ekonomike të BE”. Megjithatë Paolo Gentiloni u shpreh së fundmi, se ky është një vlerësim teknik, që nuk përjashton se në fund mund të kemi sukses në negociata.
Zjarr i madh në parkun kombëtar të Qafshtamës nw Shqipëri
Një zjarr i fuqishëm ka përfshirë pyjet e parkut kombëtar te Qafshtamës, dyshohet se zjarri deri tani ka djegur mbi 10 hektarë pyje, ndërsa flakët kanë ardhur nga ana e Burrelit dhe vijojnë në drejtim të qendrës së kampit ku ka disa lokale e bujtina.
Mësohet se ndërhyrja e zjarrfikësve është e pamundur për shkak të terrenit të thyer dhe mungesës së rrugëve për të shkuar në vendin ku është përfshirë nga flakët.
Zjarri ka filluar nga ana e Burrelit dhe tashme ka dalë nga ana e Krujës, vijon me shpejtësi drejt qendrës së Qafshtamës
Të shtëna me armë ndaj një personi në Prishtinë, shpëton pa lëndime
Në Prishtinë sot një qytetar ka shtënë me armë zjarri ndaj një personi tjetër, megjithatë të shtënat asnjë prej predhave fatmirësisht nuk e ka goditur viktimën.
“Ju njoftojmë se me 8.11.2020, ora 10:48 në rrugën “Arbnor e Astrit Dehari”, në Prishtinë, ka pasur të shtëna me armë zjarri në drejtim të viktimës m/k/sh”, ka konfirmuar për Indeksonline zëdhënësi i Policisë së Kosovës, Daut Hoxha.
Hoxha ka thënë se i dyshuari ka ikur nga vendi i ngjarjes dhe nuk të lënduar nga arma. Policia janë duke u marrë me rast.
