Në Deçan përfundon numërimi i votave, këto janë rezultatet e kandidatëve për asamble
Në komunën e Deçanit ka përfunduar numërimi i votave të kandidatëve për Kuvendin Komunal, teksa rezultatet preliminare janë publikuar nga Komisioni Qendror i Zgjedhjeve.
AAK prin si parti e parë me 51.47 përqind, pasuar nga LDK me 26.24 përqind, Iniciativa Demokracia me 11.29 përqind dhe Lëvizja Vetëvendosje me 4.97 përqind.
Nga lista e AAK’së, më i votuari është Hajdar Sutaj si bartës liste me 7 mijë e 361 vota. Pas tij, katër më të votuarit janë Sami Cacaj me 911 vota, Rifat Stojkaj me 861 vota, Armen Loshaj me 503 vota dhe Adriatik Alaj me 503.
Si bartës liste, Hyri Dobrunaj renditet i pari në listën e LDK’së me 3 mijë e 753 vota. Katër më të votuarit pas tij janë Vatan Istrefaj me 531 vota, Ndriçim Çekaj me 419 vota dhe Ardian Binakaj me 366 vota.
Shkumbin Demaliaj si bartës liste i Iniciativës Demokracia ka marrë 1 mijë e 615 vota, pasuar nga Erdogan Dautaj me 194, Rrezarta Hadërgjonaj me 168 vota, Bedri Kukalaj me 124 dhe Agim Zejnaj me 113 vota.
Tek lista e VV’së i pari është Faton Selmanaj si bartës liste me 711 vota, Teuta Neziraj me 121, Kushtrim Maksutaj me 88 vota, Orgec Tafilaj me 77 dhe Kushtrim Avdimetaj me 66.
Ndërkohë, Natyra Kuçi nga PSD ka marrë 554 vota.
