Në dy operacione policore në Gjakovë arrestohen dy persona dhe konfiskohen disa armë ilegale

Sektori i hetimeve i Stacionit Policor në Gjakovë pas pranimit të informatave  lidhur me dyshimin e bazuar  për armbajtës pa leje, sot  më dt.19.02.2020 rreth orës 07:00 në fshatin  Rracaj të Gjakovës ka ndërmarr dy bastisje në dy lokacione të ndryshme.

       Kontrolli  i shtëpive dhe objekteve përcjellëse në këto dy lokacione është bërë në bashkëpunim të ngushtë me Prokurorin e Shtetit dhe bazuar në Urdhëresën e  Gjygjtarit të procedurës paraprake.

  Gjatë kontrollit të lokacionit të parë, të shtëpisë së personit  D. B ( dl. 21.09.1968)   ka gjetur  dhe konfiskuar  armët si vijonë :

• Një (1)  pushkë gjysëm automatike kal. 7.62 X35mm me nr. serik 325142 prodhim –Poliqan , Shqipëri
• Një (1) Pistoletë me gas  nr. serik 1371208
• Një (1)  karikator ( i pistoletës me gas)
• Nëntë (9)  fishek kal.NN
• Një (1) par dylbi model “KONUS”

     Gjatë kontrollit në lokacionin e dytë në shtëpinë e A. B  gjatë kontrollit   janë gjetur dhe konfiskuar këto armë:

• Një (1)  pushkë –snajper  nr. serik 262773 kal. NN prodhim  Kragujevac –Serbi
• Një (1) pushkë sportive (ajrore) model “KRAL” me dylbi  nr. serik S-57661

Pas intervistimit, dy të dyshuarit me urdhër të Prokurorit të shtetit të dyshuarit lirohen në procedurë të rregullt.