Në Ferizaj mbyllen 9 lokale të natës pranë një shkolle

Në Ferizaj mbrëmë nga Inspektoratii Komunës, koordinuar edhe me njësitë e veçanta të Policisë së Kosovës, për dyshime për veprimtari të jashtëligjshme, mungesë dokumentacioni dhe nivelit të ultë të pastërtisë janë mbyllur 9 lokale ku deri më tani zhvillohej veprimtari kundër vlerave morale të shoqërisë.

Këto lokale gjendeshin pranë shkollës “Tefik Çanga”, shkruan IndeksOnline.

Ky është njoftimi i komunës:

Shëndeti i fëmijëve, nxënësve dhe banorëve të rrugës “Gursel e Bajram Sylejmani”, “Besim Rexhepi” dhe rrugëve të tjera përbri tyre, është më i rëndësishëm se çfarëdolloj biznesi. Këtë vendosmëri ka qeveria Aliu, këtë qëllim po zbaton Inspektorati i Komunës.

Mbrëmë, forca e ligjit përmes aksionit të Inspektoratit të Komunës, koordinuar edhe me njësitë e veçanta të Policisë së Kosovës, për dyshime për veprimtari të jashtëligjshme, mungesë dokumentacioni dhe nivelit të ultë të pastërtisë mbylli 9 lokale ku deri më tani zhvillohej veprimtari afariste kundër vlerave morale të shoqërisë sonë.

Shiriti i bllokimit do të përthekoj çdo veprimtari të jashtëligjshme, në mbrojtje të shëndetit publik dhe interesit qytetar, vendosmërinë e së cilës tash e dy vjet me radhë e ka dëshmuar Kryetari i Ferizajt, Agim Aliu përmes Inspektoratit të Komunës.