Në Graçanicë 1300 kosovarë kanë të drejtë vote

Iniciativa Qytetare Shqiptare në Komunën e Graçanicës po pretendon se në zgjedhjet e 22 tetorit do të ketë dalje masive të votuesve kosovarë.

Sipas kësaj Iniciative, në Graçanicë janë 1300 kosovarë me të drejtë vote.

Kreu i degës së PDK-së në Graçanicë, Arton Ismaili ka thënë për “Indeksonline” se votat e këtyre kosovarëve do te jenë tejet domethënëse për kosovarët në këtë komunë.

“Në Graçanicë shqiptarët janë më të bashkuar se kurrë më parë. Sipas të dhënave nga KQZ, në komunën e Graçanicës kanë të drejtë vote 1300 shqiptarë. Në zgjedhjet lokale për këtë komunë, të gjitha partitë politike shqiptare janë bashkuar si kurrë më parë në Iniciativën Qytetare Shqiptare dhe pritet pjesëmarrje masive e shqiptarëve, rreth 1300 shqiptarë me të drejtë vote, që do të jetë shumë domethënëse për të ardhmen e shqiptarëve në këtë komunë”, ka thënë ai.

Ismaili ka deklaruar se tashmë IQSH është bërë sinonim i bashkimit të të gjitha partive politike kosovare  dhe kosovarëve në përgjithësi në këtë komunë.

Kjo sipas Ismailit po ndodhë për shkak që në asamblenë komunale të Graçanicës të ketë përfaqësim cilësor të kosovarëve.