Në koncertin e Duas këndojnë edhe këta këngëtarë

Festivali “Sunny Hill” është gati të nis edicionin e tij të sivjetmë me natën e parë të tij, atë të datës 10 gusht.

Jo të paktë janë emrat që do të ngjiten të premten në skenë për të argëtuar publikun shqiptar.

Ndër to është artistja shqiptare me famë botërore, Dua Lipa, ardhja e së cilës ishte paralajmëruar prej muajsh.

Dua do të dalë para publikut në orën 23:00, teksa do të interpretojë live me orkestër disa nga hitet e saj më të fundit.

Në po të njëjtën natë, fansat shqiptarë do të kenë mundësi të argëtohen më shumë me muzikë ‘rock’, pasi janë këngëtarët e këtij zhanri ata të cilët dominojnë në natën e parë.

Sytë
MTNJ
Kachinari
Genc Salihu
Gipsy Groove
Offchestra
Dren Abazi & Zig Zag Orchestra
Asgjë sikur dielli
Oda
Jericho
Grace Carter
Stanaj
Dua Lipa

Përveç mbrëmjes, aktivitete të ndryshme do të zhvillohen edhe gjatë ditës.

Dyert e festivalit hapen në orën 14:00. /Telegrafi/