Në një video të rrallë, Kate Middletoni uroi ekipin e Britanisë së Madhe për suksesin e tij

Princi William dhe gruaja e tij Kate Middleton postuan një video të re në Instagram duke uruar ekipin e Britanisë së Madhe për suksesin e tij në Lojërat Olimpike të Parisit.

“Nga të gjithë ne që shikojmë nga shtëpia, urime ekipit të Britanisë së Madhe”, tha princesha e Uellsit. “Bravo për gjithçka që keni arritur. Ju keni qenë një frymëzim për të gjithë ne,” shtoi Williami, transmeton Indeksonline.

“Çdo sportist tregoi përkushtim dhe pasion të jashtëzakonshëm. Na bëtë të gjithëve shumë krenarë”, përfunduan ata.

Përveç William dhe Kate, të tjerë të famshëm, duke përfshirë Snoop Dogg dhe David Beckham, u bashkuan për të uruar atletët britanikë. Skuadra e Britanisë së Madhe fitoi 65 medalje në Lojërat Olimpike të këtij viti, duke përfshirë 14 të arta, 22 të argjendta dhe 29 të bronzta.

Kjo ishte një nga paraqitjet e rralla të princeshës Kate, e cila në fillim të vitit zbuloi se po luftonte me kancerin. Në video ajo dukej në humor të mirë dhe nuk e hiqte buzëqeshjen nga fytyra. Edhe pse rrallë shfaqet në publik, Princesha e Uellsit mori pjesë në finalen e Wimbledon në All England Club në korrik./Indeksonline/