Në Novi Pazar propozohen emërtimet e rrugëve “Ibrahim Rugova” dhe “Shaban Polluzha”

Në Novi Pazar të Serbisë janë propozuar disa emërtime të ndryshme të rrugëve.

Propozimet nënkuptonin që rrugët në atë qytet të sjellin emrat e figurave të shumta të shquara boshnjake dhe serbe, por kishte edhe individë shqiptar si Ibrahim Rugova, Adem Demaçi e Shaban Polluzha.

Kjo iniciativë është ndërmarrë nga Këshilli Kombëtar Boshnjak, megjithatë ende nuk ka një vendim përfundimtar, shkruan ‘Telegraf.rs’

Me emrin e Ibrahim Rugovës është propozuar të emërohet rruga aktuale Sutjeska, me emrin e Adem Demaçit rruga në vendin e quajtur Lug, ndërsa me emrin e Shaban Polluzhës është propozuar të emërohet rruga në Hotkov.

Në arsyetimin për ndryshimin e rrugëve të Sanxhakut, thuhet se emrat aktual të rrugëve nuk pasqyrojnë në asnjë mënyrë identitetin e Novi Pazarit.

“Në asnjë mënyrë ato nuk pasqyrojnë atë që është Novi Pazari, dhe nuk pasqyrojnë identitetin e Novi Pazarit dhe qytetarëve të këtij vendi”.

Përvec këtyre emrave të shquar të figurave historike shqiptare, poashtu janë propozuar edhe emra sic është ai i Aqif Haxhiametoviq i njohur si Aqif Efendia, kryetar i Novi Pazarit gjatë luftës së dytë botërore./IndeksOnline/