Në prag të zgjedhjeve Haxhiu dhe Sveçla vizitojnë Leposaviqin

Ministrja e Drejtësisë, Albulena Haxhiu, dhe ministri i Punëve të Brendshme, Xhelal Sveçla, e kanë vizituar sot komunën e Leposaviqit, në prag të zgjedhjeve që do të mbahen me 23 prill.

Ata kanë vizituar stacionin policor në Koshtovë dhe pikën e kontrollit te ura e Bistricës.

“Me ministrin Sveçla vizituam Stacionin Policor në Koshtovë dhe Pikën e Kontrollit tek Ura e Bistricës. Nga afër pamë punën dhe angazhimin e policisë së Kosovës. I përgëzuam për angazhimin maksimal në ofrimin e sigurisë për qytetarët dhe luftimin e kontrabandës dhe dukurive tjera të paligjshme”.