Në Radiologji s’ka listë të pritjes për biopsi, zvogëlohet dhe lista e pritjes për Mamografi

Klinika e Radiologjisë në kuadër të Qendrës Klinike Universitare të Kosovës (QKUK), ka rritur dukshëm vëllimin e punës, bazuar në raportin e punës për vitin 2022.

Në një komunikatë për media të Shërbimit Spitalor Klinik dhe Universitar (SHSKUK) thuhet se në këtë klinikë nuk ka listë të pritjes për biopsi, përderisa ka zvogëlim të pritjes për Mamografi, ku lista e pritjes është vetëm deri më 15 shkurt 2023.

Kurse për Tomografi të Kompjuterizuar deri më 13 shkurt 2023, po ashtu, po punohet intenzivisht për zvogëlim të listës së pritjes për Rezoncancë Magnetike.

Të gjitha ekzaminimet urgjente, emergjente dhe ato onkologjike kryhen me prioritet, sipas rekomandimit paraprak nga ana e mjekëve.

Statistikat e punës për vitin 2022

23 mijë e 751 Tomografi të Kompjuterizura (CT)

9 mijë e 683  Rezonanca Magnetike

86 mijë e 950 Ekzaminime me RTG (radiografi)

2 mijë e 763  Mamografi

24 mijë e 612  Ekzaminime me Ultratingull

2 mijë e 429  CT-angiografi