Vdes një i burgosur në Spitalin Rajonal të Pejës

Shërbimi Korrektues i Kosovës, njofton opinionin publik se sot rreth orës 03:15, në Spitalin Rajonal të Pejës, ka ndërruar jetë i burgosuri me inicialet  Z. Ll , i lindur më 1942.

I burgosuri, rreth orës 23:35 me rekomandim të mjekut të QK-së në Dubravë është dërguar me urgjencë  në Spitalin Rajonal të Pejës, ku me gjithë ofrimin e ndihmës mjekësore ka ndërruar jetë. 

Z. Ll, po vuante nga një sëmundje e zemrës dhe mushkërive.

Ai ishte i dënuar për veprën  penale: Vrasje e rëndë.

Sipas procedurave, trupi i pajetë është dërguar për obduksion.