Në Teatrin Kombëtar bëhen homazhe për regjisoren e ndjerë Burbuqe Berisha

Dyert e Teatrit Kombëtar janë hapur për të bërë homazhe në nder të jetës dhe veprës të regjisores Burbuqe Berisha.

Filmbërësja shqiptare ka ndërruar jetë mesditën e djeshme (e mërkurë) në ambientet e Ministrisë së Kulturës.

Ajo ishte regjisore e një numri të konsiderueshëm të filmave të shkurtër, të gjatë, dokumentarë, serive televizive, shfaqjeve teatrore dhe fituese e disa shpërblimeve në festivale të filmit dhe teatrit me karakter vendor e ndërkombëtar.

Varrimi i të ndjerës ndërkohë do bëhet të enjten në orën 15:00 në varrezat e qytetit të Prishtinës.