Në Valbonë përfundon operacioni për nxjerrjen e trupit të alpinistit nga Kosova

Mediat në Shqipëri raportuan dje se në Valbonë, më saktësisht në lokacionin e njohur si “Maja e Thatë”, një alpinist nga Kosova ka rënë nga një lartësi e konsiderueshme.

Policia e Tropojës, në një formë, konfirmoi që viktima mund të ketë vdekur, duke iu referuar si “trup i pajetë” kur raportoi se është kërkuar ndërhyrja me helikopter, nga ana e Ministrisë së Mbrojtjes.

Policisë dhe shërbimeve emergjente të Shqipërisë u doli në ndihmë edhe Shërbimi i Kërkim-Shpëtimit Malor të Kosovës, të cilët u nisën drejt Valbonës me të marrë informacionin.

Këta të fundit konfirmuan se ka përfunduar operacioni i kërkimit.

“Operacioni “Maja e Thatë”, përmbyllet me sukses. Së shpejti do të informoheni për rastin!” thuhet në njoftim./Indeksonline/