“Në veri janë 70 policë serbë, është pesëfishuar dhe raportimi për raste kriminale”, thotë deputeti i pushtetit!

Deputeti i LVV-së, Mefail Bajqinovci është shprehur se është gënjeshtër se nuk ka policisë serbë në veri të Kosovës.

Në DPT te Fidani, deputeti thotë e 70 policë serbë veprojnë në veri, dhe 30 të tjerë boshnjakë, njofton Klankosova.tv.

“Kanë gënjyer kur kanë thënë se nuk ka më policë serbë në veri. Është e pavërtetë, janë 70 policisë serbë në veri, dhe 30 boshnjakë. 150 policë kanë aplikuar tash në konkursin e fundit, dhe ka shumë nga serbët e veriut. Unë mendoj që nuk ka pasur kurrë më shumë zbatim të ligjit, kjo matet duke filluar nga lëvizja e lirë”, thotë Bajqinovci.

Ndër të tjera, ai thotë se është ‘pesëfishuar numri i raportimeve për raste kriminale, dhunë e gjithçka tjetër prej largimit të policëve serbë që kur kanë hequr uniformat’.