Nënshkruhet marrëveshja për vëzhgimin e zgjedhjeve nga BE-ja

Do të nënshkruhet sot marrëveshje administrative midis Zyrës së BE-së në Kosovë, Ministrisë së Jashtme të Kosovës dhe Komisionit Qendror të Zgjedhjeve për vëzhgimin e zgjedhjeve të parakohshme parlamentare të 6 tetorit 2019.

Ndërsa, Komisioni Qendror i Zgjedhjeve ka vendosur që roli i OSBE-së në ditën e zgjedhjeve të jetë këshillëdhënës, ashtu siç ishte edhe më herët.

Në mbledhjen e mbajtur dje, anëtarët e KQZ-së mbështetën rolin e OSBE-së në zgjedhjet e parakohshme parlamentare të 6 tetorit.

Kryetarja e KQZ-së, Valdete Daka, u shpreh se kanë kontaktuar me misionin e OSBE-së dhe se është e gatshme të japë mbështetjen në të njëjtin format sikurse në zgjedhjet e kaluara.