Nënshkruhet memorandumi, edhe një lagje e Batllavës po bëhet me rrjet të ujësjellësit

Lagjja “Hysen Ali Marteta” në Batllavë po bëhet me rrjet të ujësjellësit.

Kështu ka bërë të ditur kryetari i Podujevës, Shpejtim Bulliqi.

Bulliqi thotë se memorandumi është nënshkruar mes Komunës së Podujevës dhe Kompanisë Rajonale të Ujësjellësit “Prishtina”.

“Vlera e këtij projekti është 70,000 euro, ku Komuna e Podujevës do të participojë me 15,000 euro, kurse KRU “Prishtina” 55,000 mijë euro” u shpreh Bulliqi.

Ky është njoftimi i plotë i tij:

Sot kam nënshkruar një memorandum mirëkuptimi me menaxherin në Podujevë të Kompanisë Rajonale të Ujësjellësit KRU “Prishtina”, Fidaim Jashari, për realizimin e projektit “Ndërtimi i rrjetit të ujëjellësit në Lagjen Hysen Ali Marteta” në fshatin Batllavë.

Vlera e këtij projekti është 70,000 euro, ku Komuna e Podujevës do të participojë me 15,000 euro, kurse KRU “Prishtina” 55,000 mijë euro.

Furnizimi me ujë të pijes është jetik, prandaj gjatë gjithë këtij mandati kemi ndarë me qindra mijëra euro, në mënyrë që askush të mos mbetet jashtë rrjetit të ujësjellësit.