Nesër fillon “Samiti për Demokraci” i ShBA-së, merr pjesë edhe Osmani

Presidenti i Shteteve të Bashkuara të Amerikës, Joe Biden, të enjten dhe të premten do të organizojë “Samitin për Demokraci”, në të cilin është ftuar edhe Kosova

Nesër do të fillojë “Samiti për Demokraci”, i cili do të zgjasë deri të premten. Aty do të marrin pjesë më shumë se 100 shtete nga e gjithë bota.

Ftesë për këtë samit ka siguruar edhe Kosova. Këtë e ka bërë të ditur para pak javësh Presidentja e Republikës së Kosovës, Vjosa Osmani.

Osmani pati publikuar në Facebook ftesën zyrtare nga presidenti amerikan.

“Falënderoj Presidentin Biden për ftesën në Samitin për Demokraci të organizuar nga Shtëpia e Bardhë si dhe vlerësimin për partneritetin e ofruar nga Kosova për të punuar drejt fuqizimit të shoqërisë demokratike që respekton të drejtat e njeriut, të cilat ia mundësojnë secilit qytetarë ta përmbush potencialin e vet.  Pas takimeve produktive të javës së shkuar në Ëashington, në të cilat jam njoftuar se Kosova do të jetë pjesë e këtij Samiti, jam e nderuar ta pranoj ftesën nga Presidenti Biden”, ka shkruar Osmani.