Nesër mbahet kuvendi zgjedhor i FFK-së, përjashtohen mediat

Nesër zhvillohet Kuvendi Zgjedhor për kryetarë të FFK-së, ku Agim Ademi do të jetë kandidati i vetëm.

Si asnjëherë më parë Kuvendi do të zhvillohet pa praninë e mediave.

Ky është njoftimi i FFK-së:

Federata e Futbollit e Kosovës njofton opinionin se nesër (më 6 prill 2022) në ora 11:00 do të mbahet Kuvendi i Rregullt Zgjedhor. Kuvendi mbahet në selinë e FFK-së.

Për shkak të hapësirës dhe numrit të kufizuar të pjesëmarrësve, kësaj radhe është e pamundur të krijojmë hapësirë për mediat në përcjelljen e kuvendit.

Megjithatë, Kuvendi do të transmetohet drejtpërdrejt në Art Motion si dhe në rrjetet sociale të FFK-së, prandaj e gjithë ecuria e Kuvendit do të mund të ndiqet drejtpërdrejt.

Pas përfundimit të Kuvendit, presidenti Ademi njëherësh kandidati i vetëm në zgjedhjet e 6 prillit, do të jetë në dispozicion të mediave për t’u prononcuar dhe për t’iu përgjigjur pyetjeve.