Nesër seanca e 49-të konstituive

Nesër do të mbahet seanca e 49-të për konstituimin e Kuvendit të Republikës së Kosovës.

Seanca është njoftuar të nisë në ora 11:00, raporton IndeksOnline.

Njëjtë siç është afër seanca jubilare, ashtu po afrohet edhe afati 30 ditor i përcaktuar nga Gjykata Kushtetuese, për konstituim të Kuvendit.

Rëndom si në seancat paraprake, edhe ajo që u mbajt 48 orë më parë u shoqërua me debat parlamentar dhe ndërprerje të fjalës në ftesën e kryesuesit Avni Dehari, për të propozuar emrat e anëtarëve për Komision për votim të fshehtë.

Kujtojmë se seanca e parë konstituive u mbajt më 15 prill, dy muaj e 6 ditë pas zgjedhjeve qendrore./IndeksOnline/