Nesër varroset poeti Xhevdet Bajraj
Poeti Xhevdet Bajraj do të varroset nesër në varrezat e qytetit të Rahovecit.
Këtë e ka bërë të ditur kryetari i Komunës së Rahovecit, Smajl Latifi.
Ai ka shpërndarë një njoftim në Facebook, në të cilin ka bërë të ditur se ceremonia e varrimit do të fillojë nga ora 16:00 e datës 30 qershor.
Në nder të poetit të vdekur do të mbahet edhe mbledhje komemorative si dhe orë poetike.
Bajraj ka ndërruar jetë më 22 qershor të këtij viti.