Netanyahu dhe Trump së shpejti pritet të takohen në SHBA

Kryeministri izraelit Benjamin Netanyahu dhe presidenti amerikan Donald Trump kanë zhvilluar një bisedë telefonike, gjatë së cilës kanë rënë dakord për një takim të ardhshëm në Shtetet e Bashkuara të Amerikës, bëri të ditur zyra e Netanyahut.

Sipas njoftimit zyrtar, Netanyahu e ka uruar Trump për 250-vjetorin e pavarësisë së SHBA-së, duke theksuar marrëdhëniet e forta mes dy vendeve.

Në deklaratë thuhet gjithashtu se kryeministri izraelit e ka cilësuar SHBA-në si një garant të lirisë globale.

Marrëdhëniet mes Netanyahut dhe Trump janë përshkruar si të ndikuara nga tensione gjatë konfliktit me Iranin, për shkak të dallimeve në qëndrimet mbi mënyrën e trajtimit të situatës në rajon.

Zyra e Netanyahut nuk ka bërë të ditur një datë konkrete për zhvillimin e takimit mes dy liderëve.