Newcastle vjen me reagim zyrtar pas pezullimit të Tonalit

Skuadra e Newcastle United, e ka konfirmuar se Sandro Tonalli është përjashtuar nga futbolli, për dhjetë muajt e ardhshëm.

Futbollisti italian është pezulluar pas akuzave të paligjshme të basteve nga Federata Italiane e Futbollit (FIGC), shkruan IndeksOnline.

“Sandro Tonali është përjashtuar nga futbolli konkurrues për dhjetë muaj, duke filluar nga e premtja, 27 tetor 2023, pas akuzave të paligjshme të basteve nga Federata Italiane e Futbollit (FIGC).

Sanksioni i FIGC përfshin një ndalim të përgjithshëm prej 18 muajsh, me tetë muaj të ndryshuar pasi lojtari merr pjesë në një plan terapeutik dhe program edukativ në Itali që përbëhet nga 16 angazhime.

Në mbrëmjen e së premtes, 27 tetor, Newcastle United mori konfirmimin se FIFA ka miratuar sanksionin e FIGC për t’u zbatuar në mbarë botën, që do të thotë se Sandro do të ketë të drejtë të kthehet në futbollin konkurrues nga e marta, 27 gusht 2024.”, thuhet në njoftimin e Newcastle./IndeksOnline/