Nga Istogu në Hajvali, a di të ndalet ndonjëherë ky njeri?

Besim Mulaj vazhdon të jetë kandidati me më shumë energji në këto zgjedhje.

79-shi i LDK-së ka disa javë që nuk po e ndalë aktivitetin duke qenë në çdo cep të Kosovës.

Pas shumë takimeve që kishte sot në Istog, Mulaj është parë pasdite në tubimin e LDK-së në Hajvali.

Pa i shtërruar energji, ai thotë se Kosovës i duhen miqtë dhe mbështetja ndërkombëtare, që me LDK-në mund të arrihet.

“Unë do të jem zëri juaj në Kuvendin e Kosovës! Zëri i qytetarit që kërkon stabilitet, zhvillim dhe drejtësi. 9 shkurti nuk është thjesht një datë zgjedhjesh – është një mundësi për ta rikthyer Kosovën në rrugën e duhur!”, u shpreh ai.

Ky është postimi i plotë i tij:

Pas takimeve të frytshme në Istog, rrugëtimi ynë vazhdoi në Hajvali dhe Matiqan të Prishtinës. Kudo ku ndalemi, ndjejmë të njëjtin mesazh të fuqishëm nga qytetarët: Kosovës i duhet ndryshim, i duhet vizion, i duhet LDK dhe Kryeministri Abdixhiku!

Në një kohë kur sfidat janë të mëdha, Kosovës i duhen miq, i duhet mbështetja ndërkombëtare, i duhet qeverisje e përgjegjshme dhe lidership që bashkon, jo që ndan. Me LDK-në, Kosova do të ecë përpara, me aleatë të fortë, me politika të mençura dhe me ekonomi të qëndrueshme.

Unë do të jem zëri juaj në Kuvendin e Kosovës! Zëri i qytetarit që kërkon stabilitet, zhvillim dhe drejtësi. 9 shkurti nuk është thjesht një datë zgjedhjesh – është një mundësi për ta rikthyer Kosovën në rrugën e duhur!

Bashkë fitojmë! Bashkë ndërtojmë të ardhmen!