Nga puna si pastruese në një garë bukurie, Missi shqiptar rrëfen historinë prekëse

Në emisionin “Ftesë në 5” me Bieta Sulon, ishte e ftuar pjesëmarrësja në “Miss Universe”, Elsa Aliaj.

Bukuroshja ka lindur e është rritur në Itali dhe rrugëtimi i saj dhe i familjes përtej Adriatikut nuk ka qenë aspak i lehtë. Ajo shprehet se jo pak herë mungonte ushqimi dhe ishte detyra e saj si motra më e madhe ta siguronte atë për vëllezërit.

Elsa thotë se shkonte në shkollë dhe u kërkonte mikeshave ëmbëlsira, ato i fshihte dhe të nesërmen ua jepte vëllezërve që të ushqeheshin. Ndërsa shtoi mes lotësh se vazhdimisht u thoshte atyre se familja është në gjendje të mirë dhe se gjithçka është në rregull.

“Po mundohesha mos me e dallue që ishte krizë. Ndonjëherë mungonte ushqimi që vëllezërit merrnin te shkolla. Unë shkoja për vete në shkollë dhe pyesja shoqen time më fal a keni ëmbëlsirë, sepse më hahet, po sigurisht më thoshin. Unë i merrja dhe i fshihja dhe të nesërmen në mëngjes ua jepja vëllezërve të mi. U thoja që gjithçka është mirë, ne nuk kemi asgjë”, shprehet Missi mes lotësh.tch