“Nga vaksina AstraZeneca po mpikset gjaku”, vjen reagimi i kompanisë farmaceutike

Nga AstraZeneca thonë se nuk ka “asnjë provë” se vaksina kundër Covid-19 e tyre rrit rrezikun e mpiksjes së gjakut, pasi Irlanda u bashkua me një numër vendesh evropiane për ta pezulluar përdorimin e saj, transmeton Indeksonline.

Zyrtarët në Irlandë dhe në një rajon të Italisë të dielën ndaluan përkohësisht vaksinimet e AstraZeneca, pas raporteve të mpiksjes dhe vdekjes së një mësuesi në Itali pas marrjes së dozës së kësaj vaksine.

Rajoni i Piemonteve të Italisë njoftoi se po pezullonte vaksinimet AstraZeneca derisa të zbulojë nëse vaksinimi lidhet me vdekjen e mësuesit.

Ndërsa gjatë ditës zyrtarët në Irlandë thanë se po pezullonin vaksinimet AstraZeneca bazuar në katër raporte të reja të “mpiksjes së gjakut” në Norvegji, raporton The New Daily.

AstraZeneca u përgjigjë përmes një deklarate duke thënë se kishin kryer “një rishikim të kujdesshëm” të të dhënave në dispozicion për ata që kanë marrë dozën AstraZeneca, në Britani dhe Bashkimin Evropian.

“Rreth 17 milion njerëz në BE dhe Mbretërinë e Bashkuar tani kanë marrë vaksinën tonë dhe numri i rasteve të mpiksjes së gjakut të raportuar në këtë grup është më i ulët se qindra raste që do të priteshin në mesin e popullatës së përgjithshme“, tha Kryeshefja Mjekësore, Ann Taylor, në një deklaratë.

Nga rregullatori i ilaçeve në Britani thanë se provat nuk sugjerojnë se vaksina AstraZeneca po shkakton mpiksje të gjakut, sipas agjencisë së lajmeve PA./Indeksonline/