Nga vera në dimër kazinot veç shtohen në Karaçevë, në funksion edhe sonte!
Po bëhen afro një vit nga vendimi i Qeverisë së Kosovës për shfuqizimin e Ligjit për Lojërat e Fatit.
Edhe pse një gjë e tillë u vendos, dikë nuk po e pengon aspak që të zhvillojë një biznes të jashtëligjshëm.
Pikërisht në zonën kufitare të Kosovës me Serbinë, në fshatin Karaçevë të komunës së Kamenicës ‘Kazinot’ janë në lulëzim e sipër.
Aktivitetin e jashtëligjshëm të Lojërave të Fatit nuk po ndalojnë së zhvilluari në këtë anë.
Edhe pse më parë në këtë pjesë kufitare nuk kishte shumë objekte, përpos disa shtëpive të banimit që gjendeshin më larg, që nga stina e verës në këtë aty ka filluar shtimi i numrit të lokaleve.
Sipas burimeve të Indeksonline një nga lokalet e këtyre Lojërave të Fatit u hap në këtë anë pas mbylljes që iu bë në Gjilan, e disa të tjera me pronarë nga fshatrat përreth.
Edhe sonte këto lokale janë në funksion e sipër, përderisa banorët e fshatrave Karaçevë-Breznicë e shumë të tjera janë shprehur të shqetësuar për këtë.
Siç duket pronarët nuk e kanë ndërmend të ndalojnë, teksa ligjvënësit nuk po i ndjekin ata./Indeksonline/