Nis pastrimi i deponive ilegale në kryeqytet

Drejtoria e Shërbimeve Publike, Mbrojtjes dhe Shpëtimit në bashkëpunim me GIZ, kanë identifikuar 141 deponi ilegale në kryeqytet, ku si rrjedhojë e këtij hulumtimi, këtë javë ka filluar largimin sistematik të këtyre deponive, gjë që do të vazhdojë përgjatë dy muajve të ardhshëm.

Sipas komunës, një numër i madh i deponive të identifikuara gjenden në prona private të cilat do duhej të largoheshin nga pronarët.

“Njoftojmë që për shkak të ndikimeve të ndryshme negative që kanë këto deponi, ne do i largojmë ato nëse e njëjta nuk bëhet nga vet pronarët. Falënderojmë stafin nga DShPMSh, Inspekcioni, GIZ, PASTRIMI, DARDANIA dhe KMDK për punën e palodhshme. Njëkohësisht u bëjmë thirrje gjithë qytetarëve që të jenë të ndërgjegjshëm lidhur me hudhjen e mbeturinave të tyre”, thuhet në njoftim./Indeksonline/