Nis procesi i shortit për zgjedhjen e nënkryetarit serb në Kuvendin e Kosovës

Kuvendi i Kosovës ka nisur sot procesin e hedhjes së shortit për të zgjedhur përfaqësuesin nga komuniteti serb që do të ushtrojë funksionin e nënkryetarit të Kuvendit.

Ky hap vjen pas mungesës së konsensusit brenda grupit parlamentar serb për të caktuar një kandidat të vetëm, gjë që ka detyruar institucionet të ndjekin procedurat e parashikuara me rregulloren e Kuvendit për situata të tilla.

Hedhja e shortit po zhvillohet në prani të përfaqësuesve institucionalë dhe të mediave, me qëllim të garantimit të transparencës së plotë të procesit.

Pritet që emri i nënkryetarit të ri serb të bëhet publik menjëherë pas përfundimit të shortit./IndeksOnline/