Nis procesin mësimor edhe një shkollë në Fushë Kosovë!

Greva e SBAShK-ut ka nisur të marrë tjetër drejtim pasi disa shkolla tashmë kanë filluar mësimi. Njësoj ka vepruar edhe gjimnazi “Hivzi Sulejmani” në Fushë Kosovë, i cili ka nisur sot procesin mësimor.

Lajmin e ka bërë të ditur drejtori i gjimnazit, Amir Pllana i cili tha se ky vendim u mor nga Këshilli i Arsimtarëve i Gjimnazit.

“Me qëllimin e vetëm për të mirën e nxënësve, mësimdhënësve, prindërve, rrethit shoqëror dhe shtetit të Kosovës “, vendosi që nga data 19.09.2022 (e hënë) në Gjimnazin ” Hivzi Sulejmani” në Fushë – Kosovë të filloj procesi i rregullt mësimor për vitin shkollor 2022/23. Me respekt: Këshilli i Prindërve të shkollës, Këshilli i Nxënësve të shkollës, Këshilli i Arsimtarëve dhe drejtori i shkollës”, thuhet në njoftim