Një doktoreshë dhe një infermiere shpallen punonjëset e ditës në Prishtinë
Ka vazhduar prapë shpallja e punonjësve më të mira të ditës nga ana e komunës së Prishtinë. Sot për dallim nga herët e tjera kur është shpallur vetëm një punonjës i ditës, sot janë shpallur dy, transmeton IndeksOnline.
Këtë e ka bërë të ditur përmes rrjetit social Facebook, kryetari i komunës Shpend Ahmeti.
“Gjatë periudhës së pandemisë Dr. Vildane Blakçori – Çitaku dhe Infermierja Valbona Jashari kanë kontribuar dhe kanë ndihmuar në kujdesin parësor të qytetarëve të Prishtinës të cilët potencialisht kanë qenë të dyshuar për Covid -19. Faleminderit shumë për kontributin tuaj”, ka shkruar Ahmeti.