Një e mitur humb jetën në aksidentin në Drenas, katër persona të lënduar

Një vetaksident i rëndë ka ndodhur në fshatin Zabel i Ulët të Drenasit.
Rastin për IndeksOnline e ka konfirmuar zëdhënësja e policisë për rajonin e Prishtinës, Flora Ahmeti, e cila njoftoj se një i mitur ka humbur jetën ndërsa katër persona kanë mbetur të lëduar.
Ahmeti bëri të ditur se vdekja e viktimës është konstatuar nga ekipi mjekësor në vendin e ngjarjes, ndërkohë që personat e lënduar janë dërguar për tretman mjekësor.
“Në këtë aksident ka qenë i përfshirë një automjet. Si pasojë e aksidentit një person ka mbetur i vdekur dhe janë lënduar katër të tjerë.
Vdekja e viktimës (e mitur) është konstatuar nga ekipi mjekësor në vendin e ngjarjes, ndërkohë që personat e lënduar janë dërguar për tretman mjekësor”, tha Ahmeti.
Tutje, ajo u shpreh se me rastin po merret njësiti i trafikut rajonal./IndeksOnline/