Një në 50 persona në Angli u infektuan me Covid brenda javës deri në 2 janar

Një në 50 persona në familje private në Angli – më shumë se 1.1 milion – vlerësohet të kenë pasur virusin korona në javën që përfundon me 2 janar.

Shifrat e Zyrës për Statistikat Kombëtare u publikuan të martën, pasi numri i rasteve të reja të njerëzve në Mbretërinë e Bashkuar që testuan pozitivisht për Covid-19 arriti në 60,000 për herë të parë që nga fillimi i pandemisë.

Sondazhi i fundit i infeksionit ONS sugjeron se 1,122,000 njerëz në familje private në Angli kishin koronavirus midis 27 dhjetorit dhe 2 janarit.

Në total nuk përfshihen njerëzit që qëndrojnë në spitale, shtëpi kujdesi apo ambiente të tjera institucionale, shkruan The Guardian, transmeton IndeksOnline.

Shifra e fundit u rrit nga rreth 800,900 në javën që mbaron me 23 dhjetor – periudha e mëparshme për të cilën u mblodhën shifrat – ekuivalente me 1 në 70 njerëz.

Numri i rasteve të reja të koronavirusit ka arritur një lartësi të re.

 60,916 infeksione të reja u regjistruan dhe 830 vdekje të tjera të njerëzve brenda 28 ditëve nga testimi pozitiv për virusin.

Deri javën e kaluar, numri ditor i njerëzve që rezultuan pozitivë për Covid nuk kishte kaluar kurrë 50,000./IndeksOnline/